പ്രൊഫഷണലായി  മാനേജ് ചെയ്യപ്പെടുന്ന ഏറ്റവും ഉന്നത നിലവാരമുള്ള സേവനം നൽകുന്ന ഒരു കമ്പനി.

ഷിപ്പിംഗ് ആൻഡ് ഇൻ‌ലാൻ‌ഡ് നാവിഗേഷൻ‌ ബിസിനസിൽ‌ ഏർപ്പെട്ടിരിക്കുന്ന കെ‌.എസ്‌.ഐ‌.എൻ‌.സി. മികവിൻറെ ഉന്നത മാനദണ്ഡങ്ങൾ‌ പിന്തുടരുന്ന ഒരു മാതൃകാ സ്ഥാപനമാണ്.കക്ഷികളുടെ ആവശ്യങ്ങൾ നിറവേറ്റുന്നതിലും പാരിസ്ഥിതിക സുരക്ഷ പരിപാലിക്കുന്നതിലും  കെ‌.എസ്‌.ഐ‌.എൻ‌.സി. ഏറ്റവും ഉയർന്ന നൈതികവും പ്രൊഫഷണലുമായ മാനദണ്ഡങ്ങൾ പിന്തുടരുന്നു.

ഉൾനാടൻ ജലപാതകൾ ഉപയോഗിക്കുന്നതിലുള്ള ലഭ്യമായ വിശാലമായ സാധ്യതകൾ പ്രയോജനപ്പെടുത്തുവാൻ കെ‌.എസ്‌.ഐ‌.എൻ‌.സി. ശ്രമിക്കുന്നു. അതിൻറെ പ്രവർത്തനങ്ങൾ വിപുലീകരിക്കുന്നതിൽ അതിരുകളില്ലെന്ന് കമ്പനി വിശ്വസിക്കുന്നു. വെല്ലുവിളികൾ നേരിടുന്നത് ഒരു ജീവിതരീതി മാത്രമാണ്. കൂട്ടുത്തരവാദത്തിൻറെയും ടീം വർക്കിന്റെയും ഗുണഫലങ്ങളിൽ പ്രചോദിതരും പ്രതിജ്ഞാബദ്ധരും ആയ ജീവനക്കാർ മികച്ച സേവനം നൽകുന്നതിനായി നിരന്തരം പ്രവർത്തിക്കുന്നു.

മികച്ചതും സുരക്ഷിതവും ചിലവുകുറഞ്ഞതുമായ യാത്രാ/ ചരക്ക് ഗതാഗതം വാഗ്ദാനം ചെയ്യുകയും ഈ രംഗത്തെ അഗ്രഗാമിയായി തുടരുകയും ചെയ്യുക.

ഉൾനാടൻ ജലപാതകളിലൂടെയുള്ള ഗതാഗതം സുരക്ഷിതവും ചിലവുകുറഞ്ഞതുമാണെന്ന് കെ‌.എസ്‌.ഐ‌.എൻ‌.സി വിശ്വസിക്കുന്നു, അതേസമയം തന്നെ ഞങ്ങളുടെ കക്ഷികളുടെ ഉയർന്ന പ്രതീക്ഷകൾ നിറവേറ്റുകയും ചെയ്യുന്നു. കാര്യക്ഷമമായ സേവനം, കുറഞ്ഞ ചെലവുകൾ, സുരക്ഷിതവും വിശ്വസനീയവുമായ നടപടിക്രമങ്ങൾ എന്നിവയിലൂടെ ഉപഭോക്താക്കളെ  സംതൃപ്തിയുടെ ഏറ്റവും ഉയർന്ന തലത്തിലെത്തിക്കുവാൻ ഞങ്ങൾ എല്ലായ്പ്പോഴും പരിശ്രമിക്കുന്നു.

 കേരളത്തിലെ ഉൾനാടൻ ജലപാതകളിലൂടെയുള്ള ഗതാഗതത്തിൻറെ തുടക്കക്കാരാണ് കെ‌.എസ്‌.ഐ‌.എൻ‌.സി (കേരള ഷിപ്പിംഗ് & ഇൻ‌ലാൻഡ് നാവിഗേഷൻ കോർപ്പറേഷൻ ലിമിറ്റഡ്). 1975 ൽ സ്ഥാപിതമായ കേരള ഇൻലാൻഡ് നാവിഗേഷൻ കോർപ്പറേഷനും (കിൻ‌കോ) 1974 ൽ സ്ഥാപിതമായ കേരള ഷിപ്പിംഗ് കോർപ്പറേഷനും (കെ‌.എസ്‌.സി) സംയോജിപ്പിച്ചുകൊണ്ട് 1989 ൽ സ്ഥാപിതമായ ഒരു കേരള സർക്കാർ സ്ഥാപനമാണ് അത്. ബാർജ് മുഖേനയുള്ള ഗതാഗതത്തിൽ അതിവിദഗ്ദ്ധരാണ് കെ‌.എസ്‌.ഐ‌.എൻ‌.സി. ചെറു യാനങ്ങളുടെ നിർമ്മാണത്തിനും പരിപാലനത്തിനുമായി അതിന് രണ്ട് യാർഡുകളും ഉണ്ട്. യാനങ്ങളുടെ നിർമ്മാണം, പരിപാലനം, പ്രവർത്തനം തുടങ്ങിയ എല്ലാ മേഖലകളിലും ഉപഭോക്താക്കളുടെ വ്യത്യസ്തങ്ങളായ ആവശ്യങ്ങൾ നിറവേറ്റുന്നതിൽ കെ‌.എസ്‌.ഐ‌.എൻ‌.സി.ക്കുള്ള  കുറ്റമറ്റ പാരമ്പര്യം അതിൻറെ മികവിന്റെയും ഉന്നത നിലവാരത്തിന്റെയും തെളിവാണ്. ഇപ്പോൾ കെ‌.എസ്‌.ഐ‌.എൻ‌.സി.ക്ക് സ്വന്തമായി ആഡംബര  ക്രൂയിസ് കപ്പലായ നെഫെർട്ടിറ്റിറ്റിയും (ഇത്തരത്തിലുള്ള കേരളത്തിലെ ആദ്യ കപ്പൽ), കടൽ യാത്രക്ക് അനുയോജ്യമായ പ്രീമിയർ വെസലുകളായ 2 സാഗരരാണികളും ഉണ്ട്.